Ми — волонтерська організація.

об'єднання білорусів у Литві.
Ви можете допомогти.

Разам да Радзімы

Літвінський клуб

Це об'єднання білорусів, які проживають у Литві. Мета клубу — збереження внутрішніх зв'язків між білорусами, самоідентифікація та розвиток навичок командної роботи.
З цієї нагоди організація проводить заняття з самооборони, медичної допомоги, тактичної підготовки та набуття навичок поводження зі зброєю.

Хто ми?

Як ми можемо допомогти?

Не буває такого поняття, як невелика допомога. Навіть невелика, але регулярна підтримка дозволить нам розширити нашу діяльність та навчити більше білорусів. Ми покладаємося лише на себе.

Зробіть пожертву клубу

Стань чальцом клуба і атрымай навыкі і веды, як дзейнічаць у крытычных абставінах. Мы ўпэўненыя, што кожны беларус павінен мець мінімальны досвед, нават калі ён яму і не спатрэбіцца.

Приєднатися

Поточні новини

ПСІХАЛАГІЧНАЯ ПАДТРЫМКА ДЛЯ СЕМ’ЯЎ ДОБРААХВОТНІКАЎ

Клуб «Ліцвіны» адкрывае набор у групу псіхалагічнай падтрымкі для родных і блізкіх беларускіх добраахвотнікаў.

Вайна раніць не толькі тых, хто трымаў зброю, але і тых, хто кожны дзень чакаў званка, маліўся, каб блізкі вярнуўся жывым. Гэта нябачны фронт, дзе боль, страх і трывога з’ядаюць знутры.

Тут мы створым прастору, дзе можна будзе:
– сказаць тое, што цяжка трымаць у сабе;
– пачуць, што вы не адны;
– знайсці падтрымку людзей, якія разумеюць без слоў.

Усе дэталі (фармат, расклад, умовы) — пасля верыфікацыі праз тэлеграм-бот @Licvinybot або праз зварот напасрэдна ад добраахвотніка.

Мы гарантуем атмасферу даверу і бяспекі. Асабістыя дадзеныя застануцца ананімнымі. Групу вядзе дасведчаны псіхатэрапеўт, які дапаможа перажыць цяжкае і вярнуць у сэрца спакой.

🤝 Разам мы зможам зняць частку цяжару вайны і вярнуць цяпло ў сем’і, якія яна закранула.

ЯК АТРЫМАЦЬ МЕДЫЧНУЮ ДАПАМОГУ Ў ПОЛЬШЧЫ

1️⃣ Страхоўка
- калі ты працуеш легальна — у цябе мусіць быць дзяржаўнае страхаванне (NFZ).
- калі не — трэба або прыватная страхоўка, або плаціць за прыём з уласнай кішэні.

2️⃣ Зварот да тэрапеўта
- калі ёсць страхоўка, трэба зарэгістравацца ў выбранай паліклініцы (POZ).
- абяры лекара і падпішы дэкларацыю (можна мяняць лекара раз на 12 месяцаў).
- запіс праз рэгістратуру ці e-Rejestracja (электронная сістэма).

P.S. Poz можа быць і прыватны, галоўнае – супраца з NFZ
Да лекараў можна пісацца на тэлепараду – гэта фактычна анлайн ці тэлефонны візіт. Выгодна, калі патрабуешь толькі накіраванне ці працягваеш Л4(харабовы ліст).

3️⃣ Калі патрэбны вузкі спецыяліст
- спачатку да тэрапеўта — ён дасць накіраванне (skierowanie).
- без гэтага ў NFZ спецыялісты цябе не прымуць.

4️⃣ Тэрміновая дапамога
🚨 У выпадку надзвычайнай сітуацыі звяртайся:
📞 112 — агульны нумар
📞 999 — хуткая дапамога
У выпадках, што пагражаюць жыццю, няма патрэбы ў страхоўцы — ДАПАМОГУ АКАЖУЦЬ.

5️⃣ КАЛІ НЯМА СТРАХОЎКІ
- шукай прыватныя клінікі ці гуманітарныя ініцыятывы (напрыклад, Медыцына для ўсіх, Medycy na granicy) ці звярніся ў тэлеграм-бот клуба @Licvinybot. Паспрабуем дапамагчы.

6️⃣ Дадаткова
Карысныя сайты:
🔹 pacjent.gov.pl — рэгістрацыя, вынікі аналізаў, е-накіраванні
🔹 nfz.gov.pl — пошук лекараў і правілы NFZ
🔹 znanylekarz.pl — пошук спецыялістаў, рэйтынгі

👉 інсталюй аплікацыю MojeIKP – гэта сістэма запісаў на е-візіты і аплікацыя, дзе будуць твае рэцэпты, накіравання і інш.

РЭТРЫТ ДЛЯ БЕЛАРУСКІХ ДОБРААХВОТНІКАЎ У ПОЛЬШЧЫ

Клуб «Ліцвіны» запрашае на закрытую сустрэчу, арганізаваную выключна для беларускіх добраахвотнікаў, якія змагаліся і працягваюць змагацца ва Украіне за волю і годнасць Беларусі.

📍 Час і дакладнае месца — толькі праз асабісты кантакт з ц’ютарамі клуба.

Вас чакае:
- камфортныя дамкі на беразе возера;
- лазня і агонь пад адкрытым небам;
- лес і цішыня;
- спорт, рыбалка і адпачынак на прыродзе.

Гэта прастора, дзе свае — толькі свае.
Тут не трэба трымаць маску ці быць “на варце”.

Гэта магчымасць:
– адпусціць напругу і аднавіць сілы;
– пераключыцца з вайсковага рэжыму на чалавечы;
– пагаварыць ці проста памаўчаць з тымі, хто разумее;
– умацаваць давер і пабрацімства.

Запрашаюцца выключна беларускія добраахвотнікі.

👉 Каб далучыцца: напішы ў тэлеграм-бот клуба @Licvinybot ці свайму ц’ютару.

БЕЛАРУСЫ ПАСЛЯ ФРОНТУ ШУКАЮЦЬ ПРАЦУ

Яны былі добраахвотнікамі на вайне ва Украіне. Сёння яны побач з намі ў Польшчы і Літве.
Яны хочуць працаваць і жыць у мірным жыцці.

Сярод іх — інжынеры, праграмісты, выкладчыкі, ветэрынарны лекар, суддзя, эколаг, спецыялісты па лагістыцы і рамонце. Гэта толькі невялікая частка тых, хто застаўся без працы.
Шмат хто з іх вымушаны зарабляць на нізкааплатных і выпадковых падпрацоўках.

Ім трэба падтрымка ад сваіх, беларусаў.

Што яны могуць прынесці ў ваш бізнес?
- дысцыпліну і адказнасць;
- навык каманднай працы;
- досвед прыняцця рашэнняў пад ціскам;
- матывацыю пачаць з чыстага ліста.

Калі вы можаце прапанаваць вакансію — нават самую простую — напішыце нам у бот @Licvinybot.
Клуб Licviny дапаможа з медыяцыяй і адаптацыяй.

Заклікаем даць магчымасць тым, хто рызыкаваў жыццём за свабоду, стаць часткай мірнай супольнасці.

АНАНІМНАЯ ДАПАМОГА ПРЫ ЗАЛЕЖНАСЦЯХ ДЛЯ ДОБРААХВОТНІКАЎ

Калі пасля ўдзелу ў вайне ці праз іншыя цяжкасці з’явіліся праблемы з алкаголем або наркотыкамі — гэта не сорам, а сігнал, што патрэбная падтрымка.

Respublikinis priklausomybių ligoninės centras (RPLC) у Літве надае дапамогу людзям, якія сутыкнуліся з залежнасцямі.
У тым ліку ёсць магчымасць атрымаць яе ананімна.

🤝 Клуб Licviny гатовы дапамагчы:
- растлумачыць, як трапіць у цэнтр,
- арганізаваць запіс,
- падтрымаць на першых кроках.

Ананімнасць гарантаваная.
Гэта шанец вярнуць кантроль над сваім жыццём.

УВАГА: БЕЛАРУСКІМ ДОБРААХВОТНІКАМ І ІХ СЕМ’ЯМ!

Клуб Licviny і Цэнтр псіхатраўматалогіі ў Вільні распачалі супрацу. Цяпер вы можаце бясплатна атрымаць псіхатэрапію ці кансультацыю псіхіятра ў бяспечным і прафесійным асяроддзі.

Каманда Цэнтра мае досвед працы з вайсковымі траўмамі і забяспечвае поўную канфідэнцыйнасць. Калі ў вас няма літоўскай страхоўкі — клуб пакрые выдаткі.

Ты часта адкладаеш зварот: “Іншым больш трэба…” Але твой стан мае значэнне. Калі цяжка — звяртайся. Не трэба быць сам-насам з праблемай ці напружаннем. Ты не абавязаны разбірацца ва ўсім сам.

👉Напішы нам, вырашым, з чаго пачаць. Без абавязкаў з твайго боку. Без папяровай цяганіны. Канфідэнцыйна.

Беларускаму добраахвотніку, які падчас службы ва Украіне перанёс інсульт, тэрмінова патрэбныя:
- неўролаг;
- лагапед;
- масажыст.

Ён рыхтаваўся да выхаду на перадавую, але арганізм падвёў яшчэ да баявых дзеянняў. Цяпер яму патрэбная дапамога, каб аднавіцца — рух, маўленне, базавыя функцыі цела.

📍 Гданьск і наваколле.
Калі вы спецыяліст ці ведаеце надзейных людзей — адгукніцеся.

📩 Напішыце ў бот @Licvinybot або паведаміце нашым ц’ютарам.

Не пакідайце сваіх. Гэта — наш.

УВАЗЕ БЕЛАРУСКІХ ДОБРААХВОТНІКАЎ
У ЛІТВЕ І ПОЛЬШЧЫ

Мы заклікаем скарыстацца магчымасцю прайсці паглыблены медагляд і атрымаць кансультацыі профільных спецыялістаў.

Медагляд уключае паглыбленае даследаванне, базавыя аналізы, накіраванне да спецыялістаў (траўматолаг, псіхіятр, неўролаг і інш.) і лекаванне.

Наяўнасць медычнай страхоўкі не абавязковая.

Мы ведаем, што многія з вас цягнуць на сабе боль маўкліва.
Але гэта не подзвіг, гэта небяспека.

Здароўе — твая зброя і твая сіла.
Мы побач і гатовыя падставіць плячо.

Звярнуцца па дапамогу можна праз ц’ютараў клуба ці праз наш Тэлеграм-бот зваротнай сувязі @Licvinybot

Канфідэнцыйнасць гарантуем.

26 чэрвеня — Лісічанск. Памятаем

Тры гады таму беларусы з палка Каліноўскага трымалі абарону на подступах да Лісічанска. Гэта быў бой, які дазволіў украінскім воінам адысці і каштаваў жыцця нашым хлопцам.

Загінулі:
* Іван “Брэст” Марчук
* Васіль “Атам” Грудовік
* Вадзім “Папік” Шатроў
* Васіль “Сябро” Парфянкоў

У пало�не і дагэтуль без вестак:
* Сяргей “Клешч” Дзёгцеў
* Ян “Тромблі” Дзюрбейка

Гэта былі людзі, якія свядома выбралі свабоду і аддалі за яе ўсё.

Далучайцеся да вечарыны памяці:
📍 “Кропка”, Savičiaus g. 6, Вільня
🕕 26 чэрвеня, 18:00 (Сёння)

‼️Просім вашай дапамогі, каб ушанаваць памяць беларускага героя — Аляксандра «Сашко» Царука.

Аляксандр Царук — добраахвотнік батальёна імя Кастуся Каліноўскага. Ён прайшоў праз беларускія турмы, франтавыя жахі, а потым — цяжкую, выматывальную хваробу. Яго жыццё абарвалася 13 красавіка 2024 года ў Літве. Сашко пахавалі тут жа, далёка ад радзімы, якую ён любіў і за якую змагаўся.

У яго засталіся толькі дачка Вольга і маленькая ўнучка. Вольга — уцекачка, што гадуе дачку адна. Яна ўжо пачала працэс усталявання помніка на магіле бацькі, але фінальнай сумы не стае — трэба яшчэ 1350 еўра.

🕯Дапаможам разам завяршыць гэтую важную справу. Увекавечым памяць чалавека, які прайшоў праз пекла дзеля свабоды і памёр на чужыне, з надзеяй у сэрцы.

‼️Кошт работ:
• помнік — 2340 €
• устаноўка — 900 €
• аплачана — 1890 €
• не хапае — 1350 €

OLGA GOLOMEEVA
LT097300010182242136
Прызначэнне: paminklas tėvui

Клуб Licviny звяртаецца да прадстаўнікоў бізнесу, навучальных цэнтраў і ўсіх неабыякавых людзей з прапановай наладзіць супрацу па падтрымцы беларускіх добраахвотнікаў і добраахвотніц падчас іх вяртання ў грамадзянскае жыццё.

Гэтыя людзі аддалі свае сілы і рызыкавалі жыццём дзеля бяспекі нашага рэгіёна ў змаганні супраць імперскага рэжыму пуціна і яго сатрапа лукашэнкі ва Украіне.

Адарваныя ад радзімы, пасля ўдзелу ў вайне і пад пераследам рэжыму лукашэнкі, вяртаючыся да звычайнага жыцця ў краінах Еўропы, яны сутыкаюцца з новымі выклікамі падчас сацыялізацыі і інтэграцыі.

Клуб Licviny займаецца падтрымкай такіх беларусаў і беларусак, у тым ліку дапамагае з’арыентавацца з прафесійнай (пера) падрыхтоўкай і працаўладкаваннем.

Мы адкрытыя для прапаноў пра магчымасці для такой пера(падрыхтоўкі) ці працаўладкавання і будзем рады абмеркаваць магчымую супрацу.

Ваша падтрымка будзе праяўленнем сапраўднай салідарнасці, унёскам у дабрабыт тых, хто аддаў частку свайго жыцця на агульную карысць і за нашу бяспеку, і ў супольную будучыню нашае нацыі.

Звяртайцеся да нас праз @Licvinybot у Telegram ці на пошту Licviny_klub@proton.me. Мы гарантуем поўную канфідэнцыйнасць зносін і абарону вашых дадзеных.

Разам мы можам больш. Няхай удзячнасць стане справай, а не толькі словам.

Хрыстос Уваскрос!

Дарагія сябры, ад сэрца віншуем вас са светлым і радасным святам Вялікадня!
Няхай гэты дзень прынясе спакой у душу, цяпло ў сэрца і надзею на лепшае.

У гэты асаблівы час мы згадваем пра сапраўдныя каштоўнасці — дабрыню, любоў, узаемную падтрымку і веру.

Няхай ваш дом будзе напоўнены святлом, усмешкамі блізкіх і водарам святочнай велікоднай булкі.

📢 Клуб "Ліцвіны" аб'яўляе набор на КМБ выходнага дня ў Вільні!

📅 Дэдлайн падачы заяўкі: 20 сакавіка 2025 года.

Што вас чакае?
За 10 выходных дзён дасведчаныя інструктары навучаць вас не толькі карыстацца зброяй, але і іншым важным навыкам, неабходным для падрыхтоўкі да розных сітуацый.

Што ўваходзіць у праграму КМБ?
✅ Аказанне першай дапамогі (праца з турнікетам і ізраільскім бандажом; праверка дыхальных шляхоў; пратакол M.A.R.C.H. і г.д.)

✅ Навыкі карыстання амуніцыяй і зброяй пад кіраўніцтвам сертыфікаваных інструктараў і г.д.

✅ Падрыхтоўка да дзеянняў у падраздзяленні (каманды і метады перамяшчэння і г.д.)

✅ Асновы працы з дронамі (палёты на практыцы; асаблівасці выкарыстання і бяспека і г.д.)

✅ Тэорыя па ваенных дысцыплінах (радыёэлектронная барацьба”; асновы працы артылерыі і г.д.)

✅ Рэакцыя на баявыя сітуацыі (як распазнаць дрон і схавацца ад яго; як «хутка выбрацца» і заскочыць у акоп; як дзейнічаць у вучэбна-баявых умовах і г.д.)

📩 Як прыняць удзел?
Напішыце ў бот @Licvinybot паведамленне «Хачу да КМБ», і з вамі звяжацца адказны сябра клуба. Мы запросім вас на сустрэчу і адкажам на ўсе пытанні.

⚖️ Важна ведаць!
Усе нашы дзеянні адпавядаюць літоўскаму заканадаўству.
Мы адкрытыя для грамадзян Украіны і Літвы.
Пры рэгістрацыі запатрабуем персанальныя звесткі для верыфікацыі і бяспекі ўдзельнікаў.

❗️ Для вашай бяспекі мы не прымаем тых, хто можа свабодна вяртацца ў Беларусь.

Далучыцца да клубу: @Licvinybot

Нашыя сацыяльныя сеткі:
⚪️•Telegram: (BY) Klub “Licviny”
🔴•Telegram: (LT) Klubas “Licviny”
⚪️•Facebook: Lićviny

🌐 https://www.licviny.lt
🌐 https://www.licviny.lt/lt

З Днём аднаўлення незалежнасці Літвы!🇱🇹

11 сакавіка 1990 года Вярхоўны Савет Літоўскай Рэспублікі прыняў Акт аб аднаўленні незалежнасці, адкрыўшы новую старонку ў гісторыі краіны. Гэта стала вынікам доўгай барацьбы за свабоду, імкнення да суверэнітэту і веры ў дэмакратычную будучыню.

Віншуем Літву і ўсіх яе жыхароў з гэтым важным святам! Будзем разам памятаць і шанаваць свабоду — найвялікшую каштоўнасць народа.

Далучыцца да клубу: @Licvinybot

Нашыя сацыяльныя сеткі:
⚪️•Telegram: (BY) Klub “Licviny”
🔴•Telegram: (LT) Klubas “Licviny”
⚪️•Facebook: Lićviny

🌐 https://www.licviny.lt
🌐 https://www.licviny.lt/lt

105-я гадавіна стварэння Беларускага асобнага батальёна ў Літоўскім войску

27 лютага 1920 года стала важнай датай у гісторыі беларускага вайсковага майстэрства, адлюстраваннем мужнасці і адвагі нашых продкаў.

Беларускі асобны батальён быў сфармаваны ў складзе Літоўскага войска дзеля абароны нацыянальных інтарэсаў і падтрымкі барацьбы за незалежнасць. Гэты дзень сімвалізуе не толькі гераізм беларускіх ваяроў, але і нашу сувязь з гістарычнай спадчынай, традыцыямі і культурай.

Мы шануем подзвіг герояў, якія змагаліся за нашу свабоду і незалежнасць.

Далучыцца да клубу: @Licvinybot

Нашыя сацыяльныя сеткі:
⚪️•Telegram: (BY) Klub “Licviny”
🔴•Telegram: (LT) Klubas “Licviny”
⚪️•Facebook: Lićviny

🌐 https://www.licviny.lt
🌐 https://www.licviny.lt/lt

Зрабі свой падатак карысным!

Калі вы хочаце легальна падтрымаць важныя ініцыятывы і адначасова выканаць свой падатковы абавязак, вы можаце накіраваць 1,2% свайго падаходнага падатку клубу «Lićviny».

Хто можа зрабіць унёсак?
Кожны, хто афіцыйна працуе і плаціць падаходны падатак у Літве.

Як гэта зрабіць?
1️⃣ Зайдзіце ў электронную падатковую сістэму VMI.
2️⃣ Выберыце раздзел Prašymai skirti paramą.
3️⃣ Запоўніце форму:
Код арганізацыі: увядзіце 306151268 (арганізацыя Litvinai).
Адсотак: пазначце 1,2%.
Тэрмін: можна выбраць падтрымку да 2027 года, каб не паўтараць працэдуру штогод.
4️⃣ Пацвердзіце і адпраўце заяўку.

Дэдлайн:
Заяўку трэба падаць да 2 траўня

Гэты крок не патрабуе дадатковых выдаткаў, але дапамагае захоўваць і развіваць беларускую справу!
🤍❤️🤍

🇱🇹 16 лютага – Дзень аднаўлення дзяржаўнасці Літвы

16 лютага 1918 года Літоўская Рада прыняла Акт пра аднаўленне незалежнай Літоўскай дзяржавы.

Акт быў падпісаны 20 літоўскімі дзеячамі, сярод якіх – Ёнас Басанавічус, старшыня Рады. Дакумент абвяшчаў аднаўленне незалежнасці Літвы «на дэмакратычных асновах са сталіцай у Вільні».

Ад імя клубу шчыра віншуем літоўскі народ з гэтым важным днём!

Далучыцца да клубу: @Licvinybot

Нашыя сацыяльныя сеткі:
⚪️•Telegram: (BY) Klub “Licviny”
🔴•Telegram: (LT) Klubas “Licviny”
⚪️•Facebook: Lićviny

🌐 https://www.licviny.lt
🌐 https://www.licviny.lt/lt

Ва Украіне развітваюцца з беларускім добраахвотнікам

Сёння ў Браварах, Кіеўская вобласць, праходзіць развітанне з Аляксандрам Новікам — беларускім добраахвотнікам, які загінуў у баях на Луганшчыне.

Аляксандр служыў снайперам і аддаў сваё жыццё 20 студзеня, абараняючы свабоду Украіны. Ён стаў чарговым беларусам, які ахвяраваў сабой у барацьбе за ідэалы свабоды і справядлівасці.

🕯️Светлая памяць Герою.

Інфармацыя падаецца паводле Еўрарадыё.

«Герой двух народаў: гісторыя Міхася Жызнеўскага»

Сёння, 26 студзеня, споўнілася б 37 гадоў Міхасю Жызнеўскаму — беларускаму журналісту, удзельніку Еўрамайдана, Герою Украіны. Родам з Гомеля, Міхась з маладосці захапляўся гісторыяй, рыцарскім рухам і вайсковай справай. Яго жыццёвы шлях прывёў ва Украіну, дзе ён стаў часткай Самаабароны Майдана.

22 студзеня 2014 года ён загінуў на вуліцы Грушэўскага ў Кіеве, стаўшы адной з першых ахвяр пратэстаў. Пасмяротна быў ганараваны звання Героя Украіны ў 2017 годзе. Яго імя ўвекавечана на мемарыялах і ў назвах вуліц, а песня «Плыве кача па Тысынах», якая гучала на яго пахаванні, стала сімвалам памяці аб загінулых Еўрамайдана.

Вечная памяць 🕯️

Сёння мы ўзгадваем «Студзеньскае» паўстанне 1863-1864 гг., вядомае як Паўстанне Кастуся Каліноўскага

Гэта было змаганне за свабоду і годнасць народаў, якія марылі пра ўласнае незалежнае жыццё. Паўстанне ахапіла Беларусь, Літву, Польшчу і Валынь. У Беларусі і Літве вядучую ролю адыгрывалі «чырвоныя» — шляхецкая і гарадская моладзь, студэнты, а таксама сяляне.

У сваіх маніфестах Каліноўскі звяртаўся да беларусаў:
«Браты беларусы, прыйшоў добры час! Прачніцеся, бараніце сваю свабоду, зямлю і веру — і Бог дапаможа вам!»

Нягледзячы на адсутнасць сучаснай зброі і паражэнне, героі паўстання натхняюць сваім гераізмам і зараз. Сымон Шыдлоўскі, Францішак Багушэвіч, Віцэнт Дунин-Марцінкевіч — імёны, якія мы помнім і шануем.

📜 У Дзяржаўным архіве Беларусі захоўваецца «Алфавітны спіс удзельнікаў паўстання». Гэтая гісторыя — частка нашай памяці і нацыянальнай спадчыны.

Далучыцца да клубу: @Licvinybot

Нашыя сацыяльныя сеткі:
⚪️•Telegram: (BY) Klub “Licviny”
🔴•Telegram: (LT) Klubas “Licviny”
⚪️•Facebook: Lićviny

🌐 https://www.licviny.lt
🌐 https://www.licviny.lt/lt

Ва Украіне загінула беларуская добраахвотніца Марыя Зайцава

17 студзеня стала вядома пра гібель 24-гадовай Марыі ў баях пад Бахмутам, дзе яна служыла ў складзе 2-га Інтэрнацыянальнага легіёна. Яна стала вядомая падчас пратэстаў у Мінску 9 жніўня 2020 года, калі была цяжка параненая святлошумавой гранатай, атрымала кантузію і траўмы галавы. Пасля некалькіх аперацый у Беларусі яе вывезлі на лячэнне ў Чэхію.

Выказваем шчырыя спачуванні родным і блізкім Марыі. Светлая памяць.

Фота: «Штодзень»
Інфармацыя: «Наша Ніва»

Нашыя сацыяльныя сеткі:
⚪️•Telegram: (BY) Klub “Licviny”
🔴•Telegram: (LT) Klubas “Licviny”
⚪️•Facebook: Lićviny

🌐 https://www.licviny.lt
🌐 https://www.licviny.lt/lt

Сёння, 15 студзеня, мы ўшаноўваем памяць і аддаем даніну павагі Ёнасу Жамайцісу-Вітаўтасу, выбітнаму літоўскаму герою, які сваёй мужнасцю і адданасцю стаў сімвалам свабоды і незалежнасці Літвы.

Ёнас Жамайціс быў сапраўдным лідарам, які з’яднаў партызанаў у барацьбе супраць несправядлівасці і жорсткасці савецкай акупацыі. Яго жыццё і дзейнасць сталі прыкладам незламнай волі і веры ў сваю краіну.

Няхай дух Жамайціса натхняе нас на абарону сваіх каштоўнасцяў і веру ў перамогу дабра над злом.

З удзячнасцю і павагай адзначаем гэты дзень, які нагадвае нам пра вялікую асобу, што зрабіла так шмат для свабоды і будучыні Літвы.

Нашыя сацыяльныя сеткі:
⚪️•Telegram: (BY) Klub “Licviny”
🔴•Telegram: (LT) Klubas “Licviny”
⚪️•Facebook: Lićviny

🌐 https://www.licviny.lt
🌐 https://www.licviny.lt/lt

Дзень абаронцаў свабоды

13 студзеня — асаблівая дата для Літвы. У ноч з 12 на 13 студзеня 1991 года пры штурме савецкімі войскамі тэлевежы ў Вільні загінулі 14 чалавек. Гэта быў вялікі і балючы кошт за свабоду краіны.

Той студзеньскай ноччу літоўцы выйшлі як адзін, поўныя рашучасці абараніць сваю свабоду.

Памятайма тых, хто ахвяраваў сабой за права жыць у вольнай краіне. Шануйма гераізм людзей, якія змагаюцца за свабоду сёння.

Нашыя сацыяльныя сеткі:
⚪️•Telegram: (BY) Klub “Licviny”
🔴•Telegram: (LT) Klubas “Licviny”
⚪️•Facebook: Lićviny

🌐 https://www.licviny.lt
🌐 https://www.licviny.lt/lt

1 студзеня – Дзень дзяржаўнага сцяга Літвы

Сёння Літва адзначае важную дату – Дзень дзяржаўнага сцяга. Гэты сімвал свабоды і адраджэння нацыі ўвасабляе гонар, адвагу і адзінства літоўскага народа.

Жоўты колер сімвалізуе святло і росквіт, зялёны – жыццё і надзею, а чырвоны – кроў, пралітую за незалежнасць. Разам яны ўвасабляюць любоў да радзімы і глыбокую павагу да продкаў.

🇱🇹 Шчыра віншуем Літву са святам!

Шаноўныя сябры і сяброўкі!

У гэты святочны час хочам пажадаць вам сілы і веры ў лепшае. Няхай новы год стане часам змен і новага пачатку, калі надзеі ажыццяўляюцца, а справядлівасць займае сваё месца.

Жадаем мужнасці, адзінства і святла, якое прывядзе да мары аб свабодзе і годнасці.
Няхай наступны год прынясе нам усім радасць і здароўе.

З Новым годам!

Вінцэнт Гадлеўскі: святар, які змагаўся за незалежнасць Беларусі

Вінцэнт Гадлеўскі (16 лістапада 1888 – 24 снежня 1942) — каталіцкі святар і адзін з галоўных ідэолагаў беларускай нацыянальнай ідэі. Яго дзейнасць аб’ядноўвала веру, культуру і палітыку дзеля адраджэння беларускай дзяржаўнасці. Расстраляны ў Трасцянцы за супраціў палітыцы акупантаў, ён застаўся сімвалам непахіснасці і адданасці ідэалам свабоды.

Гадлеўскі верыў, што нацыянальная ідэя — гэта мост паміж пакаленнямі, а беларуская ідэнтычнасць немагчымая без кахання да мовы, культуры і традыцый.
“Чалавечая адзінка толькі праз цесную сувязь з жыццём свайго народу можа развіваць свае творчыя магчымасці”.

Далучыцца да клубу: @Licvinybot

Нашыя сацыяльныя сеткі:
⚪️•Telegram: (BY) Klub “Licviny”
🔴•Telegram: (LT) Klubas “Licviny”
⚪️•Facebook: Lićviny

🌐 https://www.licviny.lt
🌐 https://www.licviny.lt/lt

27 лістапада – Дзень Герояў: памяць пра Слуцкі збройны чын

Сёння мы ўшаноўваем тых, хто ў лістападзе 1920 года ўзяўся за зброю, каб бараніць незалежнасць Беларускай Народнай Рэспублікі.

👉 Што такое Слуцкі збройны чын?
Гэта ўзброенае змаганне жыхароў Случчыны супраць Савецкай улады. Часовая Рада Случчыны абвясціла аднаўленне ўлады БНР і стварыла Слуцкую брыгаду з мясцовых жыхароў. На абарону роднай зямлі падняліся больш за 4000 чалавек, нягледзячы на недахоп зброі і амуніцыі.

📜 Чаму мы памятаем?
Случчакі змагаліся за права на самавызначэнне і супраціўляліся прымусовай саветызацыі. Іх падтрымлівалі ўсе слаі насельніцтва – ад сялян да культурных дзеячоў. Гэта быў эпізод не толькі змагання за незалежнасць, але і за нацыянальную ідэнтычнасць.

📚 Спадчына герояў
Слуцкі чын стаў сімвалам вернасці ідэалам свабоды. Ён натхняе нас і сёння шанаваць свае карані, культуру і незалежнасць.

Дзень Герояў – гэта напамін пра нашых продкаў, якія не здаваліся перад небяспекай і баранілі Беларусь. Гонар жывым і памяць загінулым!

Далучыцца да клубу: @Licvinybot

Нашыя сацыяльныя сеткі:
⚪️•Telegram: (BY) Klub “Licviny”
🔴•Telegram: (LT) Klubas “Licviny”
⚪️•Facebook: Lićviny

🌐 https://www.licviny.lt
🌐 https://www.licviny.lt/lt

Мы выходзім 27 лістапада, каб быць пачутымі.
Наша мэта — змяніць стаўленне да беларусаў у краінах Еўропы. Мы зацікаўленыя ў інтэграцыі і супрацы на бяспеку Еўропы.

27 лістапада а 12 гадзіне ля Сейма збіраюцца усе беларусы, для каго слова гонар і годнасць не проста словы.

Спыніце штодзённыя клопаты і працу, і разам прыйдзем заявіць пра правы беларусаў і пачуць літоўскіх сяброў і партнёраў.

Хопіць чакання і спадзявання на іншых. Хто, калі не мы самі? Толькі самі беларусы змогуць змяніць стаўленне да тых, хто знайшоў свой прытулак у краінах Еўропы, а таксама паклаў здароў’е і жыццё, баронячы Еўропу на вайне супраць расейскай навалы.

30 кастрычніка — Дзень памяці ахвяр палітычных рэпрэсій і Ноч расстраляных паэтаў

Што адбылося?

29-30 кастрычніка 1937 года ў менскай турме НКУС БССР было расстраляна больш за сто беларускіх пісьменнікаў, паэтаў і навукоўцаў, абвінавачаных у «антысавецкай дзейнасьці».
Гэтая трагічная падзея знішчыла мультыкультурны Менск, дзе мірна суіснавалі беларуская, літоўская, польская, габрэйская і руская культуры.

Пад рэпрэсіі трапіла і акадэмічная навука — аўтараў Беларускай Савецкай Энцыклапедыі таксама абвясьцілі «ворагамі народа» і расстралялі.

Адно з сумна вядомых месцаў памяці — гэта ўрочышча Курапаты пад Менскам.

Далучыцца да клубу: @Licvinybot

Нашыя сацыяльныя сеткі:
⚪️•Telegram: (BY) Klub “Licviny”
🔴•Telegram: (LT) Klubas “Licviny”
⚪️•Facebook: Lićviny

🌐 https://www.licviny.lt
🌐 https://www.licviny.lt/lt

❕ Калі вы яшчэ думаеце, ці запісвацца на курс маладога байца (КМБ), у вас засталося зусім мала часу!

Да 27 кастрычніка ўключна (нядзеля), можна падаць заяўку праз @Licvinybot. Колькасць месцаў абмежаваная, таму паспяшайцеся!

Не ўпусціце шанец атрымаць веды і навыкі, якія могуць стаць важнымі ў любы момант. Прайдзіце фізічную і тактычную падрыхтоўку разам з аднадумцамі, і будзьце гатовыя да любых выклікаў.

Нашыя сацыяльныя сеткі:
⚪️•Telegram: (BY) Klub “Licviny”
🔴•Telegram: (LT) Klubas “Licviny”
⚪️•Facebook: Lićviny

🌐 https://www.licviny.lt
🌐 https://www.licviny.lt/lt

Маскіровачная сетка, сплеценая беларусамі і валанцёрамі ініцыятывы @vilniausvorai , ужо дастаўлена ва Украіну і пачала выкарыстоўвацца для абароны пазіцый нашых байцоў.

Сетка адыгрывае важную ролю ў забеспячэнні бяспекі добраахвотнікаў, хаваючы тэхніку і абсталяванне ад варожага назірання.

Ініцыятыва працягвае працу, і дзякуючы актыўнаму ўдзелу валанцёраў, кожны ахвотны можа зрабіць свой унёсак у падтрымку абаронцаў.

🎬 Фота ад сяброў клубу з атрыманай сеткай.

Далучыцца да клубу: @Licvinybot

Нашыя сацыяльныя сеткі:
⚪️•Telegram: (BY) Klub “Licviny”
🔴•Telegram: (LT) Klubas “Licviny”
⚪️•Facebook: Lićviny

🌐 https://www.licviny.lt
🌐 https://www.licviny.lt/lt

📩 Цікава, што б выпускнікі параілі новым удзельнікам? Вось іх адказы:

“Калі ёсць сумневы, што вам трэба ісці на курс, што вы фізічна не гатовы, што ў вас няма часу, што вы баіцеся новага калектыву — адкіньце іх у бок і смела праходзьце падрыхтоўку. Матывацыя — Беларусь!”

“Падрыхтуйце зручнае адзенне і абутак, каб камфортна займацца на палігоне”.

“Наверное, в первую очередь, быть внимательным: слушать инструкторов и обращать внимание на мелочи — часто в них кроются важные нюансы. Не бойтесь задавать вопросы, но также не рассчитывайте получить все ответы сразу — некоторые вещи нужно прочувствовать и закрепить самостоятельно. Относитесь к тренировкам ответственно.”

“Спачатку можа быць цяжка, але ўсё атрымаецца. Слухайце інструктараў і не бойцеся памылак — мы ўсе вучымся. У нас агульная мэта, і кожны павінен адказаць сабе: навошта яму гэта? Старайцеся не прапускаць заняткі. Жыве Беларусь 🤍❤️🤍”

“Рэгулярная фізічная падрыхтоўка (хоць бы па крысе, але штодня). Не прапускайце заняткі.”

❕ Калі ты таксама хочаш прайсці курс маладога байца ад нашага Клуба, пішы ў @Licvinybot!

📩 Запомніліся розныя моманты, і вось што ўдзельнікі папярэдняга курса кажуць пра свае ўражанні:

“За мінімальную колькасць часу мы атрымалі максімальную колькасць ведаў і ўменняў. Як тэарэтычных, так і практычных. Акопы, штурмы, ціхае перамяшчэнне і інжынерная падрыхтоўка «пад абстрэламі» — такое можна паспрабаваць у жывую, а не глядзець на відэа!”.

“Заняткі с дронам, цір, стойкі са зброяй, медыцына і шмат іншага. На кожным занятку было шмат цікавага”.

“Очень понравились упражнения с реакцией на петарды, много воспоминаний связано с ними — как неожиданно прилетали во время отдыха, и как мы учились все время за ними следить :) И за инструктором)) Еще запомнился момент, когда наша группа, отрабатывая самостоятельный проход по лесу, ушла в сторону от дороги, перепутав просеку с дорогой. Но смогли сориентироваться и вернуться на маршрут. Также очень интересны были тренировки по действиям в окопах”.

“Інструктары. Тое, як яны нас рыхтавалі. Тактыка вядзення боя: стойкі, кантакты на полі, у лесе, акопах. Медыцынская падрыхтоўка, кіраванне дронам. Адчуванне еднасці з пабрацімамі, пляча і агульнай мэты. Знаёмства са зброяй і стрэльбы”.

“Добра знойдзены, на мой погляд, для навічкоў баланс «дысцыпліна-добразычлівасць». У курсантаў між сабою — добрае адчуванне пляча і разумення”.

❕ Калі ты таксама хочаш прайсці курс маладога байца ад нашага Клуба, пішы ў @Licvinybot!

15 кастрычніка — Дзень памяці Тадэвуша Касцюшкі, нацыянальнага героя Беларусі, Літвы, Польшчы, і ЗША. У кожнай з гэтых краін Касьцюшка шануецца за сваю барацьбу за свабоду і незалежнасьць, што зрабіла яго агульнавядомым міжнародным сімвалам супраціву тыраніі і дэмакратычных каштоўнасьцяў.

Нарадзіўся 4 лютага 1746 года ў фальварку Мерачоўшчына, недалёка ад Косава. Жыццё Касцюшкі было звязана з барацьбой за свабоду і справядлівасць: ён удзельнічаў у Вайне за незалежнасць ЗША і ўзначаліў паўстанне 1794 года супраць расійскай акупацыі.

Памяць пра Тадэвуша Касцюшку жыве не толькі на Радзіме, але і далёка за яе межамі. У Варшаве і Вашынгтоне стаяць яго помнікі, у Кракаве ўзвышаецца Курган Касцюшкі, а на самым высокім пункце Аўстраліі — Гары Касцюшкі — яго імя сімвалізуе неўміручую волю да свабоды.

Далучыцца да клубу: @Licvinybot

Нашыя сацыяльныя сеткі:
⚪️•Telegram: (BY) Klub “Licviny”
🔴•Telegram: (LT) Klubas “Licviny”
⚪️•Facebook: Lićviny

🌐 https://www.licviny.lt
🌐 https://www.licviny.lt/lt

Беларускі добраахвотнік аб КМБ у клубе «Lićviny»:

“КМБ — гэта першы крок да вайсковай справы. Вайсковая справа — тое, чым павінен займацца кожны, хто жадае абараніць сваю краіну і нацыю, сябе і сваіх блізкіх. І безумоўна, гэта абавязак кожнага, хто лічыць сябе нацыяналістам.

Для мяне пытанне незалежнасці Беларусі на першым месцы, і зараз я раблю ўсё магчымае для таго, каб мая краіна была вызвалена ад рашызма і лукашызма, дапамагаючы Украіне ў барацьбе супраць Расеі. Раю ўсім, хто падзяляе мае думкі, запісацца на КМБ. Сябры, вы атрымаеце добры досвед, які безумоўна спатрэбіцца вам у будучай барацьбе за незалежную і вольную Беларусь. Памятайце, перамога ўсё роўна будзе за намі, а Беларусь яна безумоўна перад усім. Таму калі жадаеце зрабіць свой унёсак у будучыню Беларусі — запісвайцеся на КМБ у клуб Licviny”.

Гэта словы сапраўднага байца! Калі вас турбуе лёс Беларусі — далучайцеся!

Запісацца можна праз афіцыйны бот: @Licvinybot

📩 Ці можа чалавек без фізічнай падрыхтоўкі прайсці КМБ? Выпускнікі дзеляцца вопытам:

- Абсалютна кожны можа прайсці КМБ. Другое пытанне, наколькі цяжка ці лёгка гэта будзе зрабіць. Пад час праходжання курса, пачаць займацца сваім фізічным станам захочацца кожнаму. Да і сам курс паспрыяе паляпшэнню фіз.падрыхтоўкі.

- Так, можа.

- Фізічна непадрыхтаваны чалавек прайсці КМБ можа! Канешне, калі няма сур’ёўных перашкод з-за здароўя. Спецыяльных фізічных нарматываў на курсе не было.

- Засцярогаў не было, была цікаўнасць, ці дастаткова здольная фізічна. Падалося, што ў норму трапляю плюс-мінус.

- Зависит, конечно, от того, насколько неподготовленный. В целом, я бы сказал, что если у человека нет каких-то прям проблем со здоровьем, с которыми физические нагрузки вообще нельзя, то курс достаточно доступный и для не слишком подготовленного человека. В том числе благодаря тому, что инструктора стремятся не убить физухой, а дать общее направление и понимание. И без подготовки будет конечно тяжелее во многом, но она наработается, и как раз в прикладном ключе.

❕Калі ты таксама хочаш прайсці курс маладога байца ад нашага Клуба, калі ласка, пішы - ў @Licvinybot

📩 Глядзіце, што пісалі выпускнікі папярэдняга набору КМБ, чаму яны вырашылі прайсці курс:

- Каб на ўласным досведзе даведацца, што такое клуб Ліцвіны, пашырыць веды, атрымаць навыкі, паспрабаваць свае здольнасці, і далучыцца да клубу, калі ўбачу, што гэта можа быць на ўзаемную карысць (і мне, і клубу).

- Вырашыў прайсці КМБ, таму што праходзячы фізічныя выпрабаванні на трываласць, пачынаеш больш разумець сябе і, што немалаважна, у некаторым родзе, пераадольваць сябе. На курсе падцягваюцца дысцыпліна, самаарганізацыя і фізічная цягавітасць.

- Таму што, я не служыў у войску і ў мяне няма вайсковага досвіда. Зараз ідзе вайна і я не ведаю, дзе я буду заўтра, таму я хачу быць гатовы узяць у рукі зброю. І канешне калі будзе магчымасць то дапамагчы вызваліць маю краіну ад расійскага акупанта і шклоўскага рэжыму.

- Чтобы получить новые и освежить имеющиеся навыки - на случай экстренной ситуации. Чтобы лучше познакомиться с клубом и понять, насколько у нас общие принципы и цели - в плане тренировок в том числе, насколько будет комфортно заниматься дальше вместе (сразу скажу, что совпадение по пониманию и подходу к тренировкам - для меня близкое к 100%, все весьма понравилось и я рад, что получил возможность вступить в клуб). И чтобы наладить связь с соратниками по борьбе с общим врагом.

- Цікаўнасць да Клуба была даўно, таму калі даведаўся пра КМБ, то адразу вырашыў, што трэба паудзельнічаць у гэтым, каб больш даведацца пра Клуб, гэта першае. А другое, тое, што ў сённяшні час кожнаму трэба мець, хацяб мінімальные вайсковые веды і навыкі.

❕Калі ты таксама хочаш прайсці курс маладога байца ад нашага Клуба, калі ласка, пішы - ў @Licvinybot

📢 Магчымасць ад нашага Клуба для беларусаў і беларусак ў Вільні!

У лістападзе мы запускаем чарговую групу КМБ (курс маладога байца) - навучанне базавым ведам і навыкам, якія могуць спатрэбіцца ўжо заўтра.

Што вас чакае на курсе:

🔹навучыцеся карыстацца зброяй;
🔹засвоіце прынцыпы ўзаемадзеяння ў падраздзяленні;
🔹навучыцеся арыентавацца на мясцовасці;
🔹атрымаеце навыкі аказання першай медычнай дапамогі і многае іншае.

Каб трапіць на курс, неабходна:
- прайсці верыфікацыю і адказаць на пытанні;
- унесьці на рахунак Клуба кампенсацыю выдаткаў на курс (сума будзе агучана на сустрэчы);
- удзельнічаць ва ўсіх (10 занятках па выходным) і загадзя папярэджваць пра адсутнасць;
- не мець медычных супрацьпаказанняў для фізічных нагрузак. (У інструктароў няма задачы пагоршыць ваш фізічны стан, яны будуць арыентавацца на вашыя здольнасці);
- не быць адэптам камуністычных, фашысцкіх, рашысцкіх поглядаў.

Ад вас не патрабуецца ідэальная фізічная падрыхтоўка — галоўнае жаданне паляпшаць сябе! Калі праходзілі службу, будзьце гатовыя, што наш курс істотна адрозніваецца.

Як запісацца? Звяртайцеся праз афіцыйны бот: @Licvinybot

Дэдлайн: як мага хутчэй. Не прапусціце магчымасць!

Нашыя сацыяльныя сеткі:
⚪️•Telegram: (BY) Klub “Licviny”
🔴•Telegram: (LT) Klubas “Licviny”
⚪️•Facebook: Lićviny

🌐 https://www.licviny.lt
🌐 https://www.licviny.lt/lt

Владас Путвінскіс-Путвіс (1873–1929) — заснавальнік Саюза Стралкоў Літвы, а таксама вайсковы і грамадскі дзеяч.

Нарадзіўся ў Рызе, вучыўся ў Нямеччыне, дзе захапіўся ідэямі свабоды і справядлівасці. Яго маёнтак у Шыла Павежупіс стаў месцам захоўвання і распаўсюджання забароненай літаратуры ў час забароны друку, што сведчыць пра яго адвагу і патрыятызм.

У 1919 годзе ён заснаваў Саюз стралкоў Літвы — арганізацыю, якая аб’ядноўвала людзей, гатовых змагацца за сваю краіну. Праз яго намаганні былі распрацаваны статут і праграма Саюза, што заклалі асновы моцнага патрыятычнага руху.

Путвінскіс стаў сімвалам адданасці нацыянальнай ідэі. Нават на схіле жыцця, хворы, ён казаў:
„… Daktare! Ne fiziškai sergu, bet sergu dėl to, kad negaliu dirbti tautos idėjos darbo…”. «Я пакутую не ад фізічнай хваробы, а ад таго, што не магу працягваць служыць ідэі нацыі».

Памёр 5 сакавіка 1929 года ў Каўнасе, пакінуўшы пасля сябе спадчыну, якая натхняе дагэтуль.

Завяршылася навучанне чарговай групы КМБ на базе нашага клуба!

Дзесяць дзён мокрых бронекабзэлек, новых ведаў на тэарэтычных занятках і новых словаў: турнікеты, крокі, азімуты, правілы стралка і шмат чаго іншага.
На відэа — заняткі па абсталяванню блок-пастоў.

Не прапусціце аб’яву аб пачатку новага набору на КМБ — наступная магчымасць можа з’явіцца не хутка!

Далучыцца да клубу: @Licvinybot

Нашыя сацыяльныя сеткі:
⚪️•Telegram: (BY) Klub “Licviny”
🔴•Telegram: (LT) Klubas “Licviny”
⚪️•Facebook: Lićviny

🌐 https://www.licviny.lt
🌐 https://www.licviny.lt/lt

Сёння клуб «Lićviny» адзначае 2 гады афіцыйнай дзейнасці!

З моманту свайго заснавання 26 верасня 2022 года, клуб стаў пляцоўкай для аб’яднання беларусаў у Літве і актыўнага ўдзелу ў грамадска-палітычным жыцці.

Мы ганарымся тым, што падтрымліваем беларускую мову, культуру і нацыянальную ідэю, змагаемся за свабоду і незалежнасць Беларусі і працягваем наладжваць сяброўскія адносіны з літоўскай супольнасцю.

Наперадзе шмат працы, і мы ўдзячныя ўсім за падтрымку на гэтым шляху.

Беларусь перад усім!

Далучыцца да клубу: @Licvinybot

Нашыя сацыяльныя сеткі:
⚪️•Telegram: (BY) Klub “Licviny”
🔴•Telegram: (LT) Klubas “Licviny”
⚪️•Facebook: Lićviny

🌐 https://www.licviny.lt
🌐 https://www.licviny.lt/lt

Запрашаем далучыцца да ініцыятывы @vilniausvorai !

Беларусы, якія хочуць дапамагчы нашым добраахвотнікам, запрашаем на пляценне маскіровачных сетак.

📅 24 верасня
⏰ 18:00-21.00
📍Vilnius, PC CUP, 4 паверх

Мы збіраемся, каб разам рабіць важную справу і падтрымаць тых, хто змагаецца за свабоду. Нават невялікая дапамога можа значна павысіць бяспеку нашых хлопцаў на перадавой.

Далучыцца да клубу: @Licvinybot

Нашыя сацыяльныя сеткі:
⚪️•Telegram: (BY) Klub “Licviny”
🔴•Telegram: (LT) Klubas “Licviny”
⚪️•Facebook: Lićviny

🌐 https://www.licviny.lt
🌐 https://www.licviny.lt/lt

Сёння адбылося ўрачыстае ўручэнне шэўронаў клубу для чальцоў, паспяхова прайшоўшых курс базавай падрыхтоўкі.

Узнагароджанне адбылося побач з храмам, фундатарам якога быў вялікі гетман Канстанцін Астрожскі і пабудаваны які быў у падзяку Богу за перамогу пад Воршай, 510 гадавіну якой мы адзначаем.

Атрыманыя веды безумоўна спатрэбяцца ў цяжкі для краіны час. Усе маем надзею, што рэжым зменіцца мірным шляхам, але будзем рэалістамі - тыраны самастойна не сыходзяць

Насіце з гонарам шэўрон нашага калектыва, як носяць яго нашыя сябры зараз ва Украіне, змагаючыся з маскоўскай навалай.

Беларусь будзе вольнай!

Далучыцца да клубу: @Licvinybot

Нашыя сацыяльныя сеткі:
⚪️•Telegram: (BY) Klub “Licviny”
🔴•Telegram: (LT) Klubas “Licviny”
⚪️•Facebook: Lićviny

🌐 https://www.licviny.lt
🌐 https://www.licviny.lt/lt

Сёння — дзень абвяшчэння незалежнасці Беларусі

25 жніўня 1991 г. быў прыняты закон «Аб дзяржаўным суверэнітэце Беларускай Савецкай Сацыялістычнай Рэспублікі», які быў вынікам змагання беларусаў на працягу шмат якіх пакаленняў. Тысячы нашых суайчыннікаў ахвяравалі сваімі жыццямі і воляй, каб зрабіць Беларусь незалежнай, агульнапрызнанай дзяржавай.

Далучыцца да клубу: @Licvinybot

Нашыя сацыяльныя сеткі:
⚪️•Telegram: (BY) Klub “Licviny”
🔴•Telegram: (LT) Klubas “Licviny”
⚪️•Facebook: Lićviny

🌐 https://www.licviny.lt
🌐 https://www.licviny.lt/lt

Паважаныя жыхары Вільні!

Напрыканцы верасня - пачатку кастрычніка мы будзем зноў аб’яўляць аб наборы на �курс (не)маладога байца. Першая группа ўжо паспяхова праходзіць курс.

Калі вы хочаце не згубіцца ў віру інфармацыйных нагод і патрапіць да нас на навучанне, то можаце напісаць нам у бот @Licvinybot “Хачу ў КМБ” і мы вам напішам як толькі мы распачнем набор.

Далучыцца да клубу: @Licvinybot

Нашыя сацыяльныя сеткі:
⚪️•Telegram: (BY) Klub “Licviny”
🔴•Telegram: (LT) Klubas “Licviny”
⚪️•Facebook: Lićviny

🌐 https://www.licviny.lt
🌐 https://www.licviny.lt/lt

11 жніўня – Дзень нацыянальнага герба і сцяга Беларусі. Упершыню герб і сцяг былі апісаны ў 1918 г. ў газеце «Вольная Беларусь», што сімвалізуе нацыянальнае адраджэнне.

Белы і чырвоны колеры, якія выкарыстоўваюцца ў гербе «Пагоня» і на БЧБ-сцягу, глыбока ўкаранёны ў беларускай культуры. Яны сімвалізуюць каханне, смеласць, чысціню і надзею.

Аўтар эскіза БЧБ сцяга – Клаўдзій Дуж-Душэўскі. Сцяг стаў сімвалам барацьбы за незалежнасць і ўвасабляе нацыянальны дух беларусаў.

Герб і сцяг на працягу стагоддзяў нагадваюць пра нашы карані і натхняюць на барацьбу за свабоду і незалежнасць.

Далучыцца да клубу: @Licvinybot

Нашыя сацыяльныя сеткі:
⚪️•Telegram: (BY) Klub “Licviny”
🔴•Telegram: (LT) Klubas “Licviny”
⚪️•Facebook: Lićviny

🌐 https://www.licviny.lt
🌐 https://www.licviny.lt/lt

Сёння клуб далучыўся да штогадовай акцыі салідарнасці з Беларуссю.

На асобнай пляцоўцы намі было праведзена “выяздное” пляценне камуфляжных сетак для нашых ваяроў ва Украіне.
Варта заўважыць што колькасць жадаючых спрычыніцца і заплесці хоць адну стужачку ў сетку была на працягу ўсёй акцыі. Шмат хто проста і не ведаў, што такімі простымі, але дзейснымі крокамі мы ратуем жыцці тых, хто змагаецца за мір і дэмакратыю на ўсім еўрапейскім кантыненце.
Дзякуй усім за ўдзел!

Працягнуць пляценне разам з Vilniaus vorai можна з панядзелка па пяініцу па адрасе: гандлёвы цэнт CUP, 4 паверх

Слава Украіне!
Жыве Беларусь!

Далучыцца да клубу: @Licvinybot

Нашыя сацыяльныя сеткі:
⚪️•Telegram: (BY) Klub “Licviny”
🔴•Telegram: (LT) Klubas “Licviny”
⚪️•Facebook: Lićviny

🌐 https://www.licviny.lt
🌐 https://www.licviny.lt/lt

🚩 Загінуў яшчэ адзін беларускі добраахвотнік

5 жніўня 2023 года ў Данецкай вобласьці загінуў беларускі добраахвотнік з пазыўным «Мінск». У мэтах бяспекі імя і прозвішча не агалошваецца.
«Мінск» ваяваў у шэрагах II Інтэрнацыянальнага легіёну.

Героі не паміраюць!
Слава Украіне!🇺🇦
Жыве Беларусь!🤍❤️🤍

Нашыя сацыяльныя сеткі:
⚪️•Telegram: (BY) Klub “Licviny”
🔴•Telegram: (LT) Klubas “Licviny”
⚪️•Facebook: Lićviny

🌐 https://www.licviny.lt
🌐 https://www.licviny.lt/lt

Дзень Салідарнасці з Беларуссю

Дзень, які яшчэ незразумела як адзначаць. У часы калі наша краіна і нашы людзі знаходзяцца за кратамі, пад ціскам таталітарнага рэжыму, раскіданы па сьвеце, на фронце ва Украіне - цяжка назваць гэтую дату сьвятам. Але і датай смутку гэта таксама назваць нельга.

Выбухнуўшчы ў 2020 годзе нашая прага да свабоды і павагі чалавечай годнасці застаецца і нікуды не знікае. Мы працягваем нашу барацьбу дзе б мы не былі, і робім тое што можам.

Клуб «Licviny» прыядноўваецца да акцыі прысвечанай гэтай даце і запрашае ўсіх жыхароў Вільні ды Літвы прыняць удзел і папрыктыкавацца ў пляценні маскіровачных сетак для нашых людзей, якія змагаюцца супраць расейскай навалы ва Украіне.

Сплеценая пад час акцыі сетка будзе адпраўлена беларускім ваярам, якія праходзяць службу ў брыгадзе “Азоў”.

Шукайце нас калі ласка 9га жніўня з 17.00 на Катэдральнай плошчы каля помінка Гедыміну.

Далучыцца да клубу: @Licvinybot

Нашыя сацыяльныя сеткі:
⚪️•Telegram: (BY) Klub “Licviny”
🔴•Telegram: (LT) Klubas “Licviny”
⚪️•Facebook: Lićviny

🌐 https://www.licviny.lt
🌐 https://www.licviny.lt/lt

Клуб «Lićviny» правёў выдатны трэніровачны дзень у стралковым комплексе

Удзельнікі мелі магчымасць адтачыць свае навыкі стральбы і палепшыць сваю меткасць. Спачатку мы прайшлі інструктаж па тэхніцы бяспекі, пасля чаго кожны змог паспрабаваць сябе ў розных тыпах стралковай зброі.

Усе ўдзельнікі засталіся задаволенымі і атрымалі шмат карысных ведаў і практычных навыкаў.
Дзякуем нашым інструктарам за прафесійны падыход і карысныя веды!

Далучыцца да клубу: @Licvinybot

Нашыя сацыяльныя сеткі:
⚪️•Telegram: (BY) Klub “Licviny”
🔴•Telegram: (LT) Klubas “Licviny”
⚪️•Facebook: Lićviny

🌐 https://www.licviny.lt
🌐 https://www.licviny.lt/lt

.pro-gallery-wix-wrapper {display: block !important;} .pro-gallery-wix-wrapper .gallery-item-container {opacity: 1 !important; display: block !important;}

Разам да Радзімы

Літвінський клуб

Як ми можемо допомогти?

Приєднатися

Поточні новини

​